Sjúkradagpeningar

Gott að vita

• Miðað við meðaltal heildarlauna síðustu 6 mánuði. Með öðrum bótum verða greiðslurnar ekki lægri en 80% af því.
• Í langvarandi veikindum má lengja í allt að 180 daga samtals ef brýn nauðsyn er og fjárhagur sjóðsins leyfir.
• Ekki greitt vegna skaðabótaskyldra slysa, t.d. umferðarslysa.
• Ekki greitt samhliða námi.
• Umsækjandi fer almennt í mat á því hvort starfsendurhæfing sé raunhæf.

Hvenær má sækja aftur?

Sá sem hefur fullnýtt réttinn fær hann aftur þegar greitt hefur verið fyrir hann í sjóðinn í 12 mánuði.

Gildir um alla styrki

• Fyrir dánarbætur og styrki þarf að hafa verið greitt fyrir þig í sjóðinn samfellt í minnst 6 mánuði.
• Fyrir sjúkradagpeninga dugar einn mánuður, en fyrst um sinn er ekki greitt fyrir fleiri daga en greitt hefur verið fyrir.
• Ef þú áttir rétt í sjúkrasjóði annars félags innan ASÍ eða BSRB færðu rétt eftir einn mánuð.
• Greiðslukvittun má vera allt að 12 mánaða og þarf að vera með stimpli fyrirtækisins og nafni og kennitölu þinni.
• Staðgreiðsla skatta er dregin af styrkjunum.
• Umsóknir þurfa að berast fyrir 20. hvers mánaðar til að greiðsla berist 1. næsta mánaðar.
• Líkamsrækt, gleraugu, tannlæknir, sálfræðingur og fleira er greitt úr VR varasjóði, ekki sjúkrasjóðnum.

Hvað þarf að fylgja?

Sjúkradagpeningavottorð frá lækni gefið út á Íslandi, staðfesting atvinnurekanda á því hvenær veikindarétti lýkur og afrit af síðasta launaseðli.