Fæðingarstyrkur

Gott að vita

• Þú þarft að hafa verið í starfi samfellt síðustu 6 mánuði fyrir fæðingu, með gildan ráðningarsamning þegar fæðingarorlof hefst.
• Tvöfaldur styrkur við tvíbura og þrefaldur við þríbura.
• Sömu reglur gilda um ættleiðingu barns yngra en 5 ára.
• Hálfur styrkur við fósturlát eftir 18 vikur og andvanafæðingu.
• Staðgreiðsla skatta er dregin af styrknum.

Hvenær má sækja aftur?

Fyrir hvert barn. Sæktu um innan 18 mánaða frá fæðingu.

Gildir um alla styrki

• Þú þarft að vera í starfi og greitt hafi verið fyrir þig í sjóðinn í mánuðinum sem þú sækir um.
• Sumir styrkir krefjast 6 mánaða aðildar, aðrir 12 mánaða af síðustu 24. Það kemur fram á hverjum styrk.
• Ef þú áttir rétt í sjóði annars stéttarfélags getur einn mánuður dugað.
• Kvittanir mega ekki vera eldri en eins árs þegar þú sækir um.
• Ekki er greitt vegna kostnaðar frá því áður en þú byrjaðir í starfinu.
• Sæktu um fyrir 20. hvers mánaðar. Greitt er að jafnaði síðasta dag mánaðarins.
• Í fæðingarorlofi heldurðu réttinum ef þú greiðir félagsgjald. Í launalausu leyfi fellur hann niður en kemur aftur við fyrstu greiðslu.
• Ef þú hættir vegna aldurs eða örorku áttu rétt í 6 mánuði eftir starfslok.

Hvað þarf að fylgja?

Fæðingarvottorð barnsins frá Þjóðskrá Íslands.