Veikindi barns, maka eða nákominna

Gott að vita

• Barn: allt að 4 mánuðir, minnst 2 vikna samfelld veikindi. Réttur vegna veikinda barna hjá vinnuveitanda þarf að vera fullnýttur.
• Maki: allt að 2 mánuðir vegna alvarlegra langtímaveikinda, eftir 10 daga samfelld veikindi.
• Aðrir nákomnir (foreldri, uppkomin börn, systkini): allt að 2 vikur.
• Andlát barns, maka eða annarra nákominna: allt að 2 vikur.
• Glasa- og tæknifrjóvgun eða áfengis- og fíkniefnameðferð: allt að 6 vikur.

Hvenær má sækja aftur?

Reglurnar nefna ekki tímabil.

Gildir um alla styrki

• Fyrir félagsfólk BHM á opinberum markaði, hjá ríki eða sveitarfélögum.
• Greitt þarf að hafa verið fyrir þig í sjóðinn í 6 mánuði alls, þar af 3 mánuði samfellt, áður en kostnaðurinn eða tekjutapið verður.
• Ef iðgjaldið fyrir þig var lægra en 3.976 kr. á mánuði síðustu 3 mánuði (heildarlaun undir 631.179 kr.) færðu mest hálfan styrk.
• Sæktu um innan 12 mánaða frá því kostnaðurinn varð til.
• Styrkur verður aldrei hærri en útlagður kostnaður.
• Staðgreiðsla skatta er dregin af styrkjum, nema líkamsræktarstyrk og dánarbótum.
• Ekki er styrkt það sem almenna heilbrigðiskerfið tekur þátt í. Sæktu fyrst um endurgreiðslu þar, ef við á.
• Í launalausu leyfi og foreldraorlofi heldurðu rétti til styrkja í allt að 6 mánuði.
• Rétturinn fellur niður 3 mánuðum eftir að síðast var greitt í sjóðinn fyrir þig.
• Umsóknir eru að jafnaði afgreiddar vikulega.

Hvað þarf að fylgja?

Læknisvottorð og staðfesting á ólaunaðri fjarveru frá vinnu.