Fæðingarstyrkur

Gott að vita

• Líka veittur vegna andvana fæðingar eftir 22. viku eða fósturláts eftir 18. viku meðgöngu.

Hvenær má sækja aftur?

Sæktu um innan 24 mánaða frá fæðingu eða ættleiðingu.

Gildir um alla styrki

• Fyrir félagsfólk BHM á almennum vinnumarkaði.
• Greitt þarf að hafa verið fyrir þig í sjóðinn í 6 mánuði alls, þar af 3 mánuði samfellt, áður en atburðurinn verður.
• Ef heildarlaun þín eru undir 500.000 kr. á mánuði (meðaltal síðustu 3 mánaða) færðu hálfan styrk.
• Styrkirnir eru aðeins fyrir þig, ekki maka eða börn. Undantekning: dánarbætur vegna barns.
• Sæktu um innan 12 mánaða frá því kostnaðurinn varð til.
• Styrkur verður aldrei hærri en reikningarnir.
• Umsóknir þurfa að berast fyrir 15. hvers mánaðar til að vera örugglega afgreiddar í sama mánuði.
• Í launalausu leyfi heldurðu réttinum í allt að 6 mánuði, ef þú byrjar aftur að vinna.
• Rétturinn fellur niður 3 mánuðum eftir að síðast var greitt í sjóðinn fyrir þig.
• Að jafnaði er ekki styrkt það sem Sjúkratryggingar Íslands greiða.

Hvað þarf að fylgja?

Fæðingarvottorð eða vottorð um skráningu barns í þjóðskrá.